Huwan Yunpa huñupim iñiniyku kay pachakunapi qichwa simita puririchiyta munaspaqa internetmanmi qispichina. Chayraykum, qichwa chiqirichiqkuna chaniyuq kanku.

Huwan Yunpa huñum, iskay qichwa chiqirichiqkunata tariyta munan, qichwa simillapi ruwaykunata qispichiqkunata. Kallpanchayta, yanapayta munaspa, kallpawan chanin ruwayninkuta ruwanankupaq. Kay atipanakuyman churakamunmankum huklla utaq iskaypas.

ATIPANAKUYPA KAMACHIKUYNIN

• Kay atipanakuymanmi churakamunman Tawantin suyupi tiyaqkuna (Colombia, Ecuador, Perú, Bolivia, Chile y Argentina). Hinallataq, mayqin qichwa simi rimaqpas chaskisqam kanqa. Kay atipanakuyman churakamuqkunam qawachinan qichwapi llamkayninkuta sapakutilla internetman qispichisqanta, huk watamanta hanayman: Facebookpi, Youtubepi, Twitterpi, Instagrampi, TikTokpi, webpi, grupos educativos de WhatsApp yachay huñukunapi, Telegrampi, hukkunapipas.

• Kay atipanakuyman churakamuqkunam, kay ficha virtualpa mañakusqanta churananku: https://forms.gle/THEJHuQST6TcVupP7 Achka qichwa simi chiqirichiqkuna kaptinkuqa, llapankupa kayninkutam churananku. 400 rimaykunallapi imapaq, imakunatam ruwasqankuta, maykama llamkaynin chayasqanta. Llamkaynikichikpa linksniykichiktapas saqinaykichik.

• Lliw mañakusqaykuta apachimuqkunallam kay atipanakuypi llallinakunqa. Hinalltaq, kaq pachallapitaqmi mañakusqaykuta chayachimunanku. Mana chayna kaptiqa manam chaskisqachu kanqa. Manaña uyasqakunaqa manañam churakamunmankuchu.

• Kay atipanakuypi, llalliqkuna riqsichisqa kanankama manam tupuqkunaqa risqichisqachu kanqa. Huk tupuqmi akllanqa llalliqkunapa llamkayninta. Chaninchasqam kanqa, mana pipapas rurasqanta rurayqa, kikillanmanta rurasqan, kikinpa ruwasqan, allin rurasqa. Tupuqkunapa kamachiyninqa kikin punim kanqa.

• Tukuy ima chaninchasqa kaqkunam: i) imayna rurasqa, sumaq rurasqa kasqan ii) imayna qawachikusqan, iii) hayka runam llamkayninkuta qatinku, iv) haykaqmantam llamkayta qallarirqan. Huk premiom kanqa unayña qichwanchik chiqirichiqkunapaq, huknin premioñataq, chayraq kallpawan qichwanchikta chiqirichiyta qallariqkunapaq.

Kaykunam premiokuna:

a) Unayña qichwa chiqirichiqkunapaq: US$ 500

b) Kallpawan qichwa chiqirichiqkunapaq: US$ 500

[Ampliado: 27 de agosto, 24:00-Lima] Julio 27, 2022 watapi, 24:00 Limapi. octubre de 2022 pachapim llalliq riqsichisqa kanqa

Llalliq runakunapa compromisonkuna:

a) Llalliqmi comprometecon huk kutillapas premionmanta rimayta hamuq publicacionninpi.

b) Premiación virtualpi kana.

c) Qichwa simirayku tukuy ima ruwasqanmanta willakunan, mayqin plataforma virtualpipas. Huknin llalliqkunawan rimanakuspa.

Kay atipanakuyman churakamuqkunam uyanku llapallan kamachikuykunata. Mana kay kamachikuykuna chuyacha kaptinqa kay correoman: fchura@huwanyunpa. qillqamuy ñuqaykum tapukuynikita chuyanchasaqku mana kaypi qillqasqataqa ñuqaykuñam churasaqku.

• Versión de lineamientos en castellano aquí