Hwan Yunpaqa qallarichina kashan Tihsi muyuntinpah. Anti suyukunah ñawpa yachayninpa yuyarichisqan kaspaqa llahtakuna wiñachiyta munakun huhninpa, askha kikin kayniyuh, pahta kanankupah, yapamanta Suyukunawan Pachamamapuwan kuskachankupah iman.

Hwan Yunpah ruwananqa yachay, yachachiy, mana llahtantin kamachiy iman kashan. Qallarichinanqa manan Istaduh yanapaynintapis amanchaynintapis chaskinchu, chaypas huhkunah ch'usahmanta munayniyuh quyninkuwan llank'an.

Anti suyukunapiwan kikin anti kayniyuhkuna kasqanpipuwan yachay, yuyay qispichihkunata, Tihsi muyuh sasachakuyninpah (pacha, llahta, qullqi kamachiypah) kikinku llahtankunamanta qhawastin huh kutichiy quhkunata iman yanapan Huwan Yunpaqa huñunakusqa runakunatapis mana huñunakusqatapis.

Waman Puman kutichiwanchis "Hanah Pacha rihsih, harawihmi intihwan killahpuwan kuyuyninkuta rihsin, quyllurtawan phawah quyllurtawan urastawan dumingu p'unchaytawan killa pachatawan watatawan tihsi muyumanta tawa wayratapuwan yachanpas tarpunapah, kayqa ñawpa pachamanta / hanah pacha rihsih / Hamut'ah, hanah pacha rihsih indiwkuna yachan urastawan dumingu p'unchaytawan p'unchaykunatawan killakunatawan watatawan sapa wata tarpunapah, pallanapah iman. Hwan Yunpa sutiyuhqa Huch'uy Marka llahtamanta ruk'ana runa karan, hamut'ay kamayuh karan, quyllurkunah kuyuynintawan intih kuyuyninpa mañaynintawan, urastawan killakunatawan watatawan rihsiran", nispa.

Anti suyukunantinqa askha llahtakunahwan paqariy suyuwahwan tiyasqanku allpa (custapipas yunkapipas huh k'itikunapipas) hina yuyasqa kashan, rikch'ah ruway qati qatiyniyuh, kikin yawar yuyariyniyuh hinapas.

Indiyanismu corriyente pulítica nisqa Bolivia suyupis, siglo XX iskaykaq kuskaninpi paqarirqan, aswanqa aimara runakuna La Paz llaqtaman tiyaq ripuqkuna karqam. Kay Indianismoqa, runa ch'iqichikuy nisqa yuyaymanayta sutiyanku ayllu ch'iqichikuq umalliqmi nispa. Chaymi, kay indianistakuna, imaymana riqsiyninkuwan yachayninkuwan ima, ninku, aymara runakunas suyun umalliq ñawpaqmantañam chayarinanku nispa. Chaymanta pachataq, waqniray kawsayman llaqtanchiskuna aparinapaq, ch’uyallas kanan puriyninku; chhayhinallataq kay punch’awkunapas kuskamanta qispiyman taskiyninkunapas kanan (Carlos Macusaya).